У Гомелі самалёт выехаў за межы ўзлётна-пасадачнай паласы

• 8.01.2017, 10:48

Пры пасадцы ў аэрапорце ў самалёта Cessna 560X лопнулі шыны на шасі.

Самалёт Cessna 560X пры здзяйсненні пасадкі ў аэрапорце Гомеля выехаў за межы ўзлётна-пасадачнай паласы, паведамілі ў МНС Беларусі. Паведамленне пра інцыдэнт паступіла 7 студзеня а 21:40.

Паводле папярэдніх звестак, пазапланавая сітуацыя здарылася праз пашкоджанні шыны левай бакавой стойкі шасі. Самалёт выехаў за межы ўзлётна-пасадачнай паласы прыкладна на 15 метраў. У паветраным судне знаходзіліся 3 сябры экіпажа і 4 пасажыры.

— Ратавальнікі дапамаглі вярнуць самалёта на ўзлётна-пасадачную паласу і адбуксіравалі да месца стаянкі. Дакладная прычына здарэння высвятляецца, — адзначылі ў МНС. Пацярпелых няма.