Сяргей Сафар'ян: Службовыя асобы клубаў вельмі дрэнна ведаюць правілы гульні ў футбол

• 29.09.2016, 17:42

Намеснік старшыні БФФ пракаментаваў крытыку футбольнай грамадскасці на адрас суддзяў беларускага першынства.

«Пазіцыя БФФ з нагоды выказванняў трэнераў каманд на адрас арбітраў супадае з вынесенымі пастановамі дысцыплінарнага камітэта. Нядаўна да нас звярнуліся з «Віцебска» ў гэтым пытанні. Яны выказвалі прэтэнзіі да судзейства і арганізацыі матчу з «Шахцёрам». Мы прааналізавалі і прыйшлі да высновы, што гэта чарговы довад таго, што службовыя асобы футбольных клубаў вельмі дрэнна ведаюць правілы гульні ў футбол. Сёння будзе дадзены адказ. Ва ўсіх эпізодах арбітр меў рацыю. За тое, што трэнеры не ведаюць элементарнага, ім павінна быць сорамна. А за нецэнзурную форму, у якой яны выказваюць незадаволенасць, ім павінна быць удвая сорамна.

На якасць судзейства ў гэтым сезоне паўплывала затрыманне Андрэя Жукава. Тым не менш агульная ацэнка работы суддзяў у гэтым сезоне не адрозніваецца ад мінулагодняй. Псіхоз, які нагнятаецца трэнерамі, мы не падзяляем. Будзем гутарыць з клубамі. Ужо рыхтуем лісты з нагоды нецэнзурных выразаў, якія ідуць з лавы запасных усіх каманд. Будзем з гэтым таксама змагацца», - цытуе Сяргея Сафар'яна «Прессбол».