Вечар памяці Шарамета правядуць у ВНУ, дзе вучацца ягоныя дзеці
- 28.09.2016, 20:43
Сустрэча пройдзе ў Вышэйшай школе эканомікі ў Маскве.
28 верасня ў Маскве адбудзецца вечар памяці журналіста Паўла Шарамета, які загінуў у Кіеве. На сустрэчу запрошаныя сябры і калегі Шарамета.
Вядоўцамі вечара будуць Уладзімір Познер і Яўгеній Ясін, паведамляе ru.tsn.ua.
Сустрэча пройдзе ў Вышэйшай школе эканомікі. Там, як паведамляецца, дагэтуль вучацца дзеці Шарамета.
Журналіст беларускага паходжання загінуў падчас выбуху ў цэнтры Кіева 20 ліпеня 2016 года.
Паводле інфармацыі следчых, зламыснікі замацавалі выбухоўку пад аўто, на якім ехаў Павел Шарамет. Следства ў ягонай справе працягваецца.