На мяжы Беларусі з Латвіяй могуць вырасці чэргі

• 23.09.2016, 15:07

Мытнікі папярэдзілі аб павелічэнні працягласці надгляду на мяжы з Латвіяй у найбліжэйшыя выходныя.

У выхадныя магчыма павелічэнне працягласці мытнага кантролю на мяжы Беларусі з Латвіяй на сумежным баку, паведаміла прэс-служба Дзяржаўнага мытнага камітэта.

Гэта звязана з тым, адзначаюць ва ўстанове, што з 8.00 24 верасня да 8.00 26 верасня латвійскі бок адключыць інфармацыйныя сістэмы мытных органаў у пунктах пропуску на беларуска-латвійскай мяжы.

Пра гэта паведаміла Мытная ўправа Службы дзяржаўных даходаў Латвійскай Рэспублікі.

На беларуска-латвійскай мяжы знаходзяцца два аўтадарожныя мытныя пункты пропуску: «Грыгораўшчына» і «Урбаны».