Сямігадовы хлопчык на татавым аўтамабілі падбіў чатыры аўтамабілі

• 28.07.2016, 18:20

Ахвота малечы пагуляць у аўтамабілі дорага каштавацьме ягонаму бацьку.

Вінаватым у пашкоджаннях чатырох аўтамабіляў у двары аднаго з дамоў у Гародні стаў вучань малодшых класаў.

«Хлопчык ведаў, дзе бацька кладзе ключы ад свайго Opel, - паведамілі ў ДАІ Гарадзенскай вобласці. - Учора ўвечары школьнік узяў іх, бо захацеў пасядзець у самаходзе і пагуляць. Адкрыўшы аўтамабіль, размясціўся на сядзенні кіроўцы». Гэтыя выкрунтасы ў выніку дорага каштавалі бацьку і ягоным суседзям.

«Паколькі ў салоне было горача, дзіця надумала адкрыць акно, - апісалі абставіны здарэння ў дзяржаўтаінспекцыі рэгіёну. - Opel абсталяваны электрычнымі шклопад'ёмнікамі, таму хлопчык уставіў ключ у замок запальвання і павярнуў яго. Выказаў здагадку, што зрабіў гэта моцна, бо аўтамабіль завёўся і паехаў (стаяў на перадачы)».

Opel, а таксама два Ford і Peugeot атрымалі нязначныя пашкоджанні.

«Заводзіць аўтамабіль і ехаць на ім я не хацеў. Усё адбылося выпадкова», - сказала дзіця.

Пра тое, што сын пабіў аўтамабілі, што стаялі побач, бацька даведаўся толькі ад суседзяў.