Сірыйскі ўцякач з мачэтэ напаў на мінакоў на поўдні Нямеччыны

• 24.07.2016, 20:06

Праз напад у горадзе Ройтлінген загінула адна жанчына, яшчэ два чалавекі параненыя.

Мужчына, узброены мачэтэ, забіў жанчыну ў нямецкім горадзе Ройтлінген на поўдні Нямеччыны за 40 км ад Штутгарта. Пра гэта паведамляе газета Bild (пераклад - РБК).

Падчас нападу ён забіў жанчыну. Яшчэ двое чалавек параненыя.

Напад адбыўся каля ларка з кебабам. Жанчына працавала ў шапіку, удакладняе Bild. Людзі ў паніцы разбягаліся ад нападніка. «Ён цалкам звар’яцеў. З мачэтэ ён бег нават на патрульную паліцэйскую машыну», - распавёў адзін з відавочцаў газеце.

Паліцыянты змаглі затрымаць мужчыну, удакладняе выданне.

У паліцыі Ройтлінгена пацвердзілі інфармацыю пра напад, удакладняе Spiegel. Нападнік быў сірыйскім уцекачом, удакладняе Reuters са спасылкай на паліцыю. Ён дзейнічаў у адзіночку.

Нагадаем, што ў пятніцу, 22 ліпеня ў гандлёвым цэнтры Olympia ў Мюнхэне адбылася стральба. Мужчына па імені Алі Санболі спачатку адкрыў агонь каля рэстарацыі «Макдональдс», а потым зайшоў у гандлёвы цэнтр. Падчас нападу загінулі дзевяць чалавек.

Да злачынства Санболі рыхтаваўся блізу года. Зброю ён купіў незаконна праз інтэрнэт - у яго знайшлі пісталет Glock дзевятага калібра, у яго ў заплечніку было знойдзена 300 патронаў. Паліцыянты таксама знайшлі ў яго дома кнігу «Лютасць ў галаве: чаму студэнты забіваюць» і выразкі з газет пра напады людзей-адзіночак з агнястрэльнай зброяй праз «раптоўнае вар'яцтва».