Тысячы каталікоў сабраліся ў Будславе

• 2.07.2016, 13:35

1 – 2 ліпеня ў мястэчку Будслаў адбываюцца штогадовыя ўрачыстасці ў гонар абраза Маці Божай Будслаўскай.

Тысячы каталікоў сабраліся ў нацыянальнай святыні, з іх больш за 2,5 тысячы паломнікаў прыйшлі пешшу з розных куткоў Беларусі, паведамляе БелаПАН. 



Увечары 1 ліпеня каля храма прайшла працэсія з абразом Маці Божай Будслаўскай – тысячы вернікаў са свечкамі ішлі ў калоне. Пасля, апоўначы, адбылася святая імша, якую ўзначаліў кіраўнік Каталіцкай царквы ў Беларусі Тадэвуш Кандрусевіч.

Спецыяльным госцем свята на ўрачыстасцях стаў пасланнік Папы Рымскага кардынал Крыстафер Шэнбарн.