Супрацоўнікі амбасады ЗША ачысцілі раку Іслач
- 29.04.2016, 16:53
Скот Роланд разам з іншымі работнікамі амерыканскай амбасады далучыўся да акцыі, прымеркаванай да міжнароднага Дня Зямлі.
Акцыю, прымеркаваную да Дня Зямлі, праводзілі беларускія грамадскія экалагічныя арганізацыі. Да іх далучыліся работнікі амерыканскай амбасады ў Менску на чале з павераным у справах ЗША Скотам Раландам, паведамляе ў сябе ў Twitter служба амерыканскай амбасады.
Пасля ўборкі прадстаўнікі амбасады ўзялі ўдзел у 6-кіламетровым сплаве на байдарках па Іслачы, недалёка ад Ракава. Падчас сплаву ўдзельнікі акцыі праводзілі ўборку на берагах.
У свеце Дзень Зямлі адзначаўся 22 красавіка, але ў сувязі з неспрыяльным надвор'ем акцыю ў ачышчэнні ракі перанеслі на тыдзень.