Менчукі ўбралі ў яскравыя шалікі дрэвы і турнікі

• 4.12.2016, 11:59

У адным са сталічных раёнаў прайшоў майстар-клас ярнмобінгу — вулічнага вязання.

У Менску вязалі шалікі і панчохі для дрэў, слупоў і турнікоў на дзіцячай пляцоўцы. 3 снежня ў адным са сталічных спальных мікрараёнаў прайшоў майстар-клас ярнмобінгу — вулічнага вязання. У даслоўным перакладзе ярнмобінг — гэта "бамбаванне прадзівам", метад аздаблення розных аб'ектаў пры дапамозе нітак для вязання, паведамляе euroradio.fm.

Жыхары мікрараёна аздобілі дзіцячую пляцоўку, усталявалі 4-мэтровую вязаную ялінку і зладзілі баталію пры дапамозе клубкоў з ніткамі.