Кіеўскі суд даў дазвол на арышт Януковіча

• 15.12.2016, 18:26

Беглы дыктатар абвінавачаны ў дзяржаўнай здрадзе.

Пячэрскі раённы суд Кіева дазволіў затрымаць экс-дыктатара Віктара Януковіча і даставіць яго ў суд. Пра гэта ў сябе ў написал напісаў генпракурор Украіны Юрый Луцэнка.

Генпракурор паведаміў, што на закрытым пасяджэнні Пячэрскі райсуд Кіева задаволіў хадайніцтва пракурора Галоўнай вайсковай пракуратуры Рамана Краўчанкі і даў дазвол на ўжыванне супраць Януковіча меры стрымання ў выглядзе ўтрымання пад вартай і дазвол на ягонае затрыманне.

28 лістапада 2016 года Луцэнка ў Святошынскім райсудзе Кіева абвясціў аб падазрэнні Януковіча ў дзяржаўнай здрадзе.

У канцы лістапада 2016 года Януковіч даў прэс-канферэнцыю ў Растове-на-Доне, заявіўшы, што «сабраў тры тамы аб злачынствах на Майдане». Акрамя таго, уцякач намагаў, што пагадненне аб стварэнні ЗСГ Украіна-ЕС «парушала інтарэсы Украіны», хваліў расейскага прэзідэнта за ўварванне і развязванне вайны на Данбасе, і шкадаваў, што «не знайшоў у сабе сіл падпісаць загад аб увядзенні войскаў і ўвядзенні ваеннага становішча», каб здушыць Майдан. Ва Украіну экс-дыктатар вяртацца не мае намеру.