Рассельгаснагляд знайшоў у беларускім мясе сальманэлу

• 21.04.2015, 16:20

У партыі астуджанага мяса птушкі з Беларусі, пастаўленага ў Расею, выяўленыя сальманэлы.

Пра гэта сайту charter97.org паведамілі ў прэс-службе Рассельгаснагляду.

Сальманэла энтэрыдытыс выяўленая Бранскай міжабласной ветэрынарнай лабараторыяй у прадукцыя агракамбіната «Дзяржынскі». Гэта ўжо пяты ў 2015 годзе выпадак выяўлення сальманэлы ў мясе птушкі, вырабленым прадпрыемствамі Беларусі, адзначае Рассельгаснагляд.

Падчас маніторынгавых даследаванняў кіраўніцтвам Рассельгаснагляду Бранскай і Смаленскай абласцей была забракаваная прадукцыя ААТ «Гомельская птушкафабрыка», ІП «Сарыя Бія-Індастрыс», ААТ «Птушкафабрыка «Дружба, ТАА «Агракамбінат «Дзяржынскі».