П'яная вавёрка стала зоркай YouTube
- 5.03.2015, 20:10
Жывёліна з'ела некалькі забрадзіўшых яблыкаў, ад чаго і захмялела.
У інтэрнэце набірае папулярнасць відэаролік з вавёркай, якая беспаспяхова спрабуе вырвацца з заснежанага саду і вярнуцца ў лес, паведамляе БелТА.
Рэч у тым, што звярок прабраўся ў сад адной з амерыканскіх сем'яў і з'еў некалькі забрадзіўшых яблыкаў, ад чаго і ап'янеў. У якім горадзе знятае відэа, не паведамляецца.
На кадрах вавёрка ніяк не можа перабрацца цераз агароджу ў садзе, раз-пораз падаючы на зямлю і скачучы на месцы.
Праўда, не ва ўсіх карыстальнікаў гэты ролік выклікаў смех. Некаторыя сумняваюцца, што ў садзе былі яблыкі, бо там усё ў снезе, і падазраюць, што вавёрку напаілі наўмысна, каб пацвяліцца такім чынам.