24 сакавіка на МКАД абмяжуюць рух

• 22.03.2015, 12:42

Праз трэніроўкі войскаў Менскага гарнізона рух усіх відаў транспарту будзе абмежаваны 24 сакавіка з 5.30 і да праходжання калоны вайсковай тэхнікі.

Яна пройдзе па маршруце: вул. Заснавальнікаў - вул.Скарыны - МКАД - вул.Карвата - паварот на аэрадром Ліпкі. Пра гэта БелТА паведамілі ў прэс-службе ДАІ ГУУС Менгарвыканкама.

Рух па гэтым маршруце таксама плануюць перакрыць 26 сакавіка з 20.00 і да праходжання калоны вайсковай тэхнікі, а таксама 31 сакавіка з 5.30 і да праходжання калоны.

Сталічная Дзяржаўтаінспекцыя рэкамендуе кіроўцам загадзя планаваць маршрут свайго руху з улікам гэтай інфармацыі.