Паўстанцы ў Емене захапілі трэці па велічыні горад

• 22.03.2015, 12:30

Шыіцкія паўстанцы захапілі частку трэцяга па велічыні горада Емена Таіз, а таксама мясцовы аэрапорт.

Паўстанцы-хусіты, якія захапілі сталіцу краіны Сану два месяцы таму, цяпер кантралююць дзевяць з 21 правінцый, паведамляе BBC.

Урад прэзідэнта Емена Абда Рабу Мансура Хадзі збег у горад Адэн на поўдні краіны - былую сталіцу Народнай Дэмакратычнай Рэспублікі Емен, якая існавала да аб'яднання дзяржавы ў 1990 годзе.

У сувязі з пагаршэннем палітычнага і ваеннага становішча ў Емене ЗША эвакуююць адтуль увесь свой персанал, паведаміў прадстаўнік дзярждэпартамента. Раней паведамлялася, што ЗША выводзяць сваіх вайскоўцаў з вайсковай базы Аль-Анад.

Прэзідэнт Емена Абд Рабу Мансур Хадзі звярнуўся да Рады бяспекі ААН з просьбай правесці нараду ў сувязі са складанай сітуацыяй у краіне, дзе працягваюцца сутыкненні паўстанцаў з праўладнымі сіламі.