Джон Маккейн: Пуцін можа напасці на Адэсу з Прыднястроўя

• 13.03.2015, 16:35

Расейскія вайскоўцы паводле загаду прэзідэнта Расеі могуць пачаць наступ на Адэсу.

Такое меркаванне ў інтэрв'ю ТСН выказаў сенатар-рэспубліканец Джон Маккейн. З ягоных слоў, Пуцін ужо атрымаў усход Украіны, таму неўзабаве можна чакаць далейшага наступу.

"Калі ён думае, што гэта яму проста сыдзе з рук і ён не будзе плаціць свой кошт, то цалкам можа паспрабаваць пайсці на Адэсу з боку Малдовы. У яго 1400 расейскіх атрадаў або, як ён іх называе, "міратворцаў" у Прыднястроўі", - мяркуе сенатар.

Раней Джон Маккейн раскрытыкаваў адмову прэзідэнта ЗША Барака Абамы перадаць Украіне абарончую зброю.