Барак Абама: Ізаляцыя Расеі будзе ўзмацняцца

• 9.02.2015, 20:45

Прэзідэнт ЗША папярэдзіў Расею пра новыя санкцыі.

Расея парушыла амаль усе міжнародныя дамовы, працягваючы вайсковую агрэсію ва Украіне, у тым ліку менскія дамоўленасці. Калі яна захавае гэты курс, палітычная і эканамічная ізаляцыя краіны будзе толькі ўзмацняцца, паведамляе ЛIГАБiзнесIнформ.

Пра гэта заявіў прэзідэнт ЗША Барак Абама на прэс-канферэнцыі па сустрэчы з канцлеркай Нямеччыны Ангелай Мэркель.

"Расея далей забяспечвае тэрарыстаў ва ўсходніх рэгіёнах Украіны. Гэта факт", - падкрэсліў Абама.

Ён адзначыў, што такія дзеянні Расеі ўмацавалі партнёрства паміж Нямеччынай ды Еўразвязам у цэлым і ЗША.

"Мы будзем працягваць спробы знайсці дыпламатычнае развязанне, працягваць дыпламатычную стратэгію. Санкцыі супраць Расеі застаюцца ў дзеянні", - сказаў Абама.

Фота: Getty Images