Дырэктар палаца культуры ветэранаў трапіўся на хабары
- 24.02.2015, 11:26
Пракуратура Менска санкцыянавала ўзяцце пад варту дырэктара Рэспубліканскага палаца культуры ветэранаў.
Як паведаміў БелаПАН старшы памочнік пракурора сталіцы Сяргей Балашоў, дырэктар быў затрыманы з довадамі злачынства 18 лютага пры атрыманні хабару сумаю 3 млн. рублёў ад індывідуальнага прадпрымальніка за спрыяльнае развязанне пытання аб заключэнні дамовы арэнды.
Крымінальная справа расследуецца ўправай Следчага камітэта Менску.