У менскім метро пералічаць пасажыраў

• 23.02.2015, 17:40

11 сакавіка ў метро правядуць абследаванне пасажырапатокаў з дапамогай квіткоў.

Супрацоўнікі «Менскага метрапалітэна» пры ўваходзе на станцыю выдадуць кожнаму пасажыру рэгістрацыйны квіток, на якім значацца нумар станцыі і парадкавы нумар. Пры выхадзе квіток трэба будзе здаць, паведамляе БелТА.

Такое суцэльнае вывучэнне пасажырапатокаў праводзіцца з мэтай удасканалення графіка руху цягнікоў, вызначэння сярэдняй далёкасці паездкі пасажыраў, інтэнсіўнасці пасажырапатокаў на ўсіх участках ліній метрапалітэна. Акрамя таго, адна з важных мэтаў абследавання - рэгістрацыя колькасці пасажыраў, якія карыстаюцца перасадачным вузлом «Кастрычніцкая» - «Купалаўская».

Кіраўніцтва Менскага метрапалітэна просіць пасажыраў з разуменнем паставіцца да магчымых кароткачасовых затрымак на ўваходзе і выхадзе.