Блізкі Усход замяло снегам

• 21.02.2015, 16:31

Анамальныя снегапады абрынуліся ў чацвер і пятніцу на многія краіны Блізкага Усходу.

Снег выпаў у Ізраілі, Іарданіі, Сірыі і Ліване. Многія аўтадарогі ў Ерусаліме былі закрытыя для руху, а вуліцы ў сталіцы Іарданіі Амане спусцелі, піша BBC.

Снег пакрыў апусцелую ваколіцу Ерусаліма, а знакамітая царква Нараджэння ў Бэтлееме і Сцяна плачу ў Ерусаліме зіхацелі на марозе.

У Дамаску і ў гарах, што атачаюць сталіцу Сірыі, выпаў густы снег, а завея ў суседнім Ліване занесла шматлікія горныя дарогі, адрэзаўшы злучэнне з мясцовымі вёскамі.