Міністр эканомікі: Дзе вы бачыце рост коштаў?

• 4.10.2015, 11:27

Уладзімір Зіноўскі мяркуе, што беларусы не заўважаюць дэвальвацыю нацыянальнай валюты.

Пра гэта міністр эканомікі паведаміў журналістам 2 кастрычніка, піша «Спутник».

«Наша насельніцтва нічога не купляе за даляры, усе кошты ў беларускіх рублях, і яны не растуць. Дзе вы бачыце рост коштаў?» - адказаў ён пытаннем на пытанне.

Міністр не выключае, што паводле вынікаў 2015 года будзе атрыманае зніжэнне ВУП на 2-3%. Але тлумачыцца гэта не структурай і станам беларускай эканомікі, а «нязначнай дэвальвацыяй расейскага рубля».