Рух цягнікоў пад Ла-Маншам спынена праз задымленне
- 17.01.2015, 16:57
Рух высакахуткасных цягнікоў Eurostar паміж французскім Кале і ангельскім Дуўрам часова прыпынена.
Прычынай стала задымленне тунэлю пад Ла-Маншам, паведамляе BBC.
«Еўратунэль зачынены праз задымленне ў паўночным тунэлі, - сказана ў паведамленні на сайце Eurostar. - Калі вы запланавалі сваё падарожжа на сённяшні дзень, мы рэкамендуем вам адкласці яго і не прыязджаць на вакзал», - таксама адзначаецца ў паведамленні.
Прычына задымлення невядомая.