Бой пад Марыупалем: чуваць залпы цяжкіх гармат

• 19.09.2014, 17:56

Залпы чутныя практычна ва ўсім Іллічоўскім раёне Марыупаля.

З боку пасёлкаў Талакоўка і Сартана Іллічоўскага раёна горада гучаць стрэлы цяжкіх гармат. Пра гэта паведамляюць карыстальнікі ў сацсетках, піша «Карэспандэнт».

«Марыупаль. Чутныя залпы цяжкіх гармат». Чутныя, напружваюся -толькі б нашы былі цэлыя і здаровыя», - пішуць карыстальнікі ў сацыяльных сетках.

Паводле іх інфармацыі, залпы чутныя ў Мірным, Каменску, Талакоўцы, Сартане, Валанцёраўцы, практычна ва ўсім Іллічоўскім раёне Марыупаля.

«Марыупаль - цяпер ціха. Ці мне з Жаўтнёвага не чуваць. Пакуль хуткія ў горадзе не падаюць сірэны. Можа абышлося», - напісаў карыстальнік.

У той жа час мясцовае выданне 0629 таксама паведамляе аб абстрэле ў горадзе. «Усё пачалося адразу са стрэлаў «Граду», цяпер чуваць больш слабыя залпы», - распавёў выданню жыхар Іллічоўскага раёна.

Як паведамілі ў штабе тэрытарыяльнай абароны горада, да іх таксама паступіла мноства званкоў з гэтай нагоды. Цяпер у штабе высвятляюць, што менавіта папала пад абстрэл.

Са слоў пасялковага галавы Сартаны Сцяпана Махсмы, у самой Сартане цяпер ціха, але стрэлы чутны. «Страляюць з боку ветракоў у кірунку вёскі Арлоўскае Тэльманаўскага раёна», - паведаміў ён.

Нагадаем, пасля дасягнутага 5 верасня замірэння, сітуацыя ў Марыупалі застаецца спакойнай.