Турчынаў патрабуе ад Парашэнкі склікання вайсковай рады праз уварванне РФ

• 27.08.2014, 15:51

На пасяджэнні павінна быць разгледжаная абстаноўка на Паўднёвым фронце.

Старшыня Вярхоўнай Рады Украіны Аляксандр Турчынаў патрабуе ад прэзідэнта і Гетмана Пятра Парашэнкі неадкладна правесці пасяджэнне вайсковай рады ў складзе кіраўніцтва Міністэрства абароны, Генеральнага штаба, Міністэрства ўнутраных спраў, Нацыянальнай гвардыі, Службы бяспекі Украіны, Дзяржаўнай памежнай службы, Службы замежнай выведкі. Пра гэта паведамляюць крыніцы сайта Цензор.нет.

Вайсковая рада павінна абмеркаваць шырокамаштабнае ўварванне войскаў Расейскай Федэрацыі ва Украіну, а таксама іх наступ у накірунку Старабешава, Кутейнікава, Амвросіеўка, Марыупаль.

Нагадаем, адразу пасля заканчэння перамоваў у Менску сепаратысты перайшлі ў наступ. У накірунку населенага пункта Тэльманава на поўдні Данецкай вобласці рухаецца калона вайсковай тэхнікі колькасцю да 100 адзінак. Яна выйшла з Старабешава. Пра гэта паведамляе прэс-служба антытэрарыстычнай аперацыі на сваёй старонцы ў сацыяльнай сетцы «Фэйсбук».

Тэльманава знаходзіцца ўсяго за 60 кіламетраў ад Марыупаля, у кірунку якога пазаўчора паспрабавалі прарвацца расейскія дэсантнікі.

Фота: AP Photo/Sergei Grits