Актывісты БХД прайшліся па Бабруйску з партрэтамі палітвязняў

• 2.06.2014, 15:11

У Бабруйску падтрымалі беларускіх палітвязняў.

Пра гэта сайту charter97.org паведамілі ў прэс-службе аргкамітэта па стварэнні партыі Беларуская Хрысціянская Дэмакратыя.

У Бабруйску адбылася сумесная магілёўская і гомельская абласная партыйная школа Беларускай Хрысціянскай Дэмакратыі на тэму «Планаванне партыйных кампаній у міжвыбарны перыяд». На сустрэчы прысутнічалі больш за 30 чалавек з Бабруйска, Клічава, Асіповічаў, Магілёва, а таксама Гомеля і іншых гарадоў.

Па сканчэнні сустрэчы яе ўдзельнікі ў футболках з партрэтамі палітвязняў і патрабаваннямі аб іх вызваленні прайшліся вуліцамі Бабруйска.