Старшыня гомельскага аблвыканкама Дворнік падарыў брыльянт Але Цупэр

• 22.05.2014, 19:31

Алімпійскую чэмпіёнку ў фрыстайле, якая трэніравалася ў Гомельскай вучэльні алімпійскага рэзерву, сёння ўшаноўвалі ў абласным цэнтры.

Падчас прыёму ў аблвыканкаме губернатар Уладзімір Дворнік падзякаваў спартоўцы, уручыў ёй Ганаровую грамату і брыльянт. Упрыгожванне зрабілі на мясцовым прадпрыемстве «Крышталь», піша «Комсомольская правда в Беларуси».

Вага брыльянта - 0,64 карата, ён каштуе некалькі тысяч даляраў. Спартоўка ў адказ падзякавала свам заўзятарам і прызналася ў каханні да Гомеля, які калісьці для яе «стаў стартавай пляцоўкай».