Вярхоўная Рада разглядае законы аб еўраінтэграцыі (Анлайн-трансляцыя)

• 13.05.2014, 10:35

Сёння Вярхоўная Рада Украіны плануе разгледзець шэраг еўраінтэграцыйных законапраектаў.

Прадугледжаны разгляд у другім чытанні праекта закона «Аб унясенні змяненняў у некаторыя заканадаўчыя акты Украіны ў сферы дзяржаўнай антыкарупцыйнай палітыкі ў сувязі з выкананнем Плана дзеянняў па лібералізацыі ЕЗ візавага рэжыму для Украіны», піша УНІАН.

Таксама прадугледжаны разгляд законапраекта, якім уносяцца змены ў шэраг законаў адносна прадухілення і процідзеяння дыскрымінацыі.

ВР плануе ў першым чытанні разгледзець законапраект адносна прадухілення ценявога гандлю землямі сельгаспрызначэння.

Акрамя таго, сёння плануецца ўключыць у парадак дня шэраг законапраектаў, якія тычацца барацьбы з экстрэмізмам і сепаратызмам.

У прыватнасці, прадугледжваецца ўключэнне ўнясення змяненняў у Крымінальны кодэкс Украіны аб адказнасці за фінансаванне сепаратызму.