Пуцін і Лукашэнка таемна наведвалі Межыгор'е

• 19.03.2014, 7:49

Неафіцыйныя сустрэчы праходзілі раз у два месяцы.

Пра гэта паведаміў народны дэпутат Вярхоўнай Рады Украіны Аляксандр Брыгінец у сваім акаўнце ў сацыяльнай сетцы «Фэйсбук», спасылаючыся на работнікаў былой рэзідэнцыі Віктара Януковіча.

«Маю зносіны з людзьмі, якія працуюць у Межыгор'і. Яны пераконваюць, што Лукашэнка і Пуцін наведваліся сюды, раз у два месяцы. Пераважна неафіцыйна. А ежу, якую тут вырабляюць пастаянна, пакавалі ў пакеты і перадавалі вядомым шаўкам: палітыкам і бізнесменам», - напісаў Аляксандр Брыгінец.

23 лютага 2014 года Вярхоўная Рада Украіны прыняла рашэнне вярнуць у дзяржаўную ўласнасць рэзідэнцыю Межыгор'е.