Гаварухін атрымаў спецпрыз ад Лукашэнкі
- 7.11.2014, 19:07
Кінарэжысёр Станіслаў Гаварухін, які на апошніх выбарах узначаліў выбарчую кампанію Пуціна, удастоены спецыяльнага прыза ад Лукашэнкі.
Прыз уручаны «За захаванне і развіццё традыцый духоўнасці ў кінамастацтве».
Навіну агучылі 7 лістапада падчас цырымоніі адкрыцця ХХI Менскага міжнароднага кінафестывалю «Лістапад» у кінатэатры «Масква».
Станіслаў Гаварухін атрымаў ганаровую ўзнагароду з рук намесніка прэм'ер-міністра Беларусі Анатоля Тозіка, паведамляе БелТА.