Відэа, знятае адразу пасля падзення «Боінга» ў Данбасе, з'явілася ў інтэрнэце

• 17.11.2014, 9:59

Агенцтва Associated Press апублікавала ўнікальнае аматарскае відэа з месца падзення малайзійскага «Боінга» пад Данецкам

Гэтыя кадры знятыя ў першыя хвіліны пасля крушэння самалёта, паведамляе Еспресо TV.

«Боінг-777» авіякампаніі Malaysia Airlines, які рухаўся з Амстэрдама ў Куала-Лумпур, разбіўся ў Данецкай вобласці 17 ліпеня. На борце лайнера знаходзіліся 298 чалавек, усе яны загінулі. Украінскія ўлады і краіны Захаду ўскладаюць адказнасць за тое, што адбылося на тэрарыстаў Данбаса. Паводле звестак амерыканскай і нямецкай разведак самалёт збіты ракетай з пастаўленага Расеяй комплексу «Бук».