Трактар «Беларус» трапіў на в'етнамскія грошы

• 4.04.2013, 9:25

На купюры ў 200 донгаў намаляваны беларускі трактар.

Пра гэта піша ў сваім блогу Глеб Лабадзенка.

Купюра з трактарам была ўведзена ў зварот ужо даўно і паспела сур'ёзна абясцэніцца. Зараз курс мясцовай валюты да даляра ЗША складае 20000:1.

У В'етнаме пакуль няма свайго трактарабудавання. На сустрэчах з прадстаўнікамі беларускіх уладаў неаднаразова ўздымалася пытанне аб зборцы ў гэтай азіяцкай краіне машын вытворчасці МТЗ.

Нагадаем, зараз у В'етнаме знаходзіцца беларуская дэлегацыя на чале з міністрам эканомікі Мікалаем Снапковым.