Аўтобус з пасажырамі загарэўся ў Асіповіцкім раёне (Фота)
- 24.09.2012, 12:35
Пажарных выклікалі ў вёску Літвінава (Асіповіцкі раён) у мінулую пятніцу.
Патэлефанавала адна з пасажырак: загарэўся аўтобус. Праз чатыры хвіліны першае падраздзяленне прыбыла на месца здарэння, да таго часу ПАЗ ужо быў ахоплены агнём, паведамілі ў МНС.
- Было ўстаноўлена, што сямёра пасажыраў і кіроўца змаглі самастойна выйсці з салона, - распавялі ратавальнікі. - Яны не пацярпелі. Праз некалькі хвілінаў узгаранне было патушана.
Паводле інфармацыі МНС, аўтобус (год выпуску устанаўліваецца) належыць аднаму з сельскагаспадарчых кааператываў. У момант калі здарылася НЗ, кіроўца развозіў работнікаў прадпрыемства па дамах.
Меркаваная прычына пажару - парушэнне правілаў эксплуатацыі электрасетак і электраабсталявання (кароткае замыканне электраправодкі аўтобуса).