У Маскве разагналі акцыю на Трыумфальнай плошчы
- 31.12.2012, 18:23
Паліцыя пачала затрыманне ўдзельнікаў акцыі «Стратэгія-31» на Трыумфальнай плошчы ў Маскве.
Пра гэта паведамляе карэспандэнт «Ленты.ру» з месца падзей.
Першым быў затрыманы каардынатар «Левага фронту» Канстанцін Касякін, за ім затрымалі лідэра «Другой Расеі» і аднаго з галоўных ідэолагаў «Стратэгіі-31» Эдуарда Лімонава.
Агулам у акцыі на Трыумфальнай бралі ўдзел некалькі дзясяткаў чалавек. «Бяспеку» гарантавалі дзясяткі аўтобусаў з паліцыяй. Пад 20 аўтобусаў былі размешчаныя на самай Трыумфальнай плошчы і яшчэ некалькі дзясяткаў размешчаныя ўздоўж Цвярской вуліцы.
Акцыі апазіцыі апошнія некалькі гадоў рэгулярна праходзяць ля метро «Маякоўская» 31 снежня. Актывісты «Стратэгіі-31» выступаюць за забеспячэнне свабоды сходаў, якую гарантуе 31 артыкул Канстытуцыі РФ.