Памёр адзін з найстарэйшых сябраў БНФ, пісьменнік Фелікс Шкірманкоў

• 4.01.2021, 22:54

Прычынай смерці называюць каранавірус.

Памёр адзін з найстарэйшых сябраў БНФ, пісьменнік Фелікс Шкірманкоў. Ветэрану вайны было 94 гады, паведамляе прэс-служба Партыі БНФ. Прычынай смерці называюць каранавірус.

Шкірманкоў — ураджэнец Прапойска (цяперашні Слаўгарад). У вайну партызаніў, пасля трапіў на фронт, дайшоў да Чэхіі, меў чатыры раненні. Быў геолагам, працаваў у партыйных структурах, у пачатку 1990-х ачольваў Слаўгарадскі гарсавет. Аўтар двух дзясяткаў кніг вершаў і прозы.