Беларусы адзначаюць 102-я ўгодкі БНР ва ўмовах ізаляцыі

• 25.03.2020, 19:13

Беларусы з самай раніцы пачалі дзяліцца здымкамі з хэштэгам #БНР102.

Раніцай 25 сакавіка 1918 года сябры Рады Беларускай Народнай Рэспублікі абвясцілі яе незалежнасць і прынялі Устаўную грамату. Сёння гэтай падзеi спаўняецца 102 гады. Ва ўмовах каранавірусу ніякіх масавых мерапрыемстваў запланавана не было, аднак беларусы з самай раніцы пачалі дзяліцца здымкамі з хэштэгам #БНР102 у стужцы Instagram. Год таму святочны канцэрт адбыўся ў Гродна, а сотыя ўгодкі абвяшчэння незалежнасці БНР мінчукі адзначалі ў сталіцы, паведамляе onliner.by.