Відэафакт: Амбасада ЗША павіншавала беларусаў з Днём роднай мовы

• 21.02.2019, 14:21

Супрацоўнікі амбасады прачыталі ўрыўкі зь вершаў беларускіх пісьменьнікаў.

Амбасада ЗША ў Менску павіншавала беларусаў зь Міжнародным днём роднай мовы. З нагоды сьвята супрацоўнікі амбасады прачыталі ўрыўкі зь вершаў беларускіх пісьменьнікаў, прысьвечаныя матчынай мове, перадае «Радыё Свабода».

Павераная ў справах США ў Беларусі Джэнiфэр Мур прачытала частку верша Ларысы Генiюш «Мая мова».

Дарадца ў эканамічных пытаньнях амбасады ЗША Монiка Сэндар павіншавала беларусаў урыўкам зь верша Ўладзімера Караткевіча «Дом сябра».

Відэа зь віншаваньнем былі разьмешчаныя на афіцыйных старонках амбасады ў сацыяльных сетках.