У Беластоку прэзентавалі «Гісторыю беларусаў Падляшша»

• 30.01.2018, 20:50

Гэтая кнiга – энцыклапедыя ведаў пра ролю беларусаў у гісторыі Падляшша.

У Цэнтры праваслаўнай культуры ў Беластоку прэзентавалі кніжку «Гісторыя беларусаў Падляшша», паведамляе «Радыё Свабода».

На пытанні прысутных адказвалі рэдактары выдання гісторыкі Алег Латышонак і Славамір Іванюк.

Паводле прафесара Алега Латышонка, гэтая кніжка – энцыклапедыя ведаў пра гэтыя тэрыторыі і ролю беларусаў у гісторыі Падляшша.

У працы над кніжкай «Гісторыя беларусаў Падляшша» ўдзельнічалі таксама гісторыкі Лена Глагоўская, Пятро Хомік, Яўген Мірановіч, Збігнеў Місюк і Генадзь Семянчук.