Італьянцы прапанавалі праект плыўнага музея ў футурыстычным стылі

• 9.04.2024, 20:43

Фотафакт.

Італьянская архітэктурная студыя Luca Curci Architects прапанавала праект плыўнага музея шкла. Будынак у стылі футурызму быў спраектаваны ў супрацоўніцтве з фірмай Giulia Tassi Design пры дапамозе штучнага інтэлекту, паведамляе a target="_blank" href=https://www.designboom.com/architecture/luca-curci-floating-glass-museum-venetian-craft-sea-level-rise-04-09-2024/>Designboom.

Плошча будынка складзе 3,8 тыс. кв. м. Будынак упрыгожваюць панарамныя вокны, з якіх будзе адкрывацца від на ваду. Інтэр'еры ў музеі выканаюць у пастэльных адценнях жоўтага, аранжавага і ружовага колераў, гаворыцца ў нататцы.

Тут будуць выстаўленыя рознакаляровыя шкляныя дрэвы, расліны і мноства скульптураў. Акрамя экалагічнага парадку дня, інсталяцыя будзе расказваць наведвальнікам пра мастацтва выдзімання шкла, якое нарадзілася ў Венецыі, вынікае з публікацыі.

Цяпер праект знаходзіцца ў стадыі распрацоўкі і месца ягонага будаўніцтва абмяркоўваецца. У будучыні незвычайны музей можа з'явіцца ў Дубаі, Нью-Ёрку, Ганконгу, Сінгапуры ці іншым горадзе, які пацярпеў ад кліматычных зменаў, тлумачыцца ў артыкуле.