Да +27 градусаў чакаецца ў Беларусі 10 красавіка

• 9.04.2024, 18:21

Будзе пераважна без ападкаў.

Да 27 градусаў цяпла чакаецца ў Беларусі 10 красавіка. Пра гэта расказалі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У сераду ўначы чакаецца невялікая воблачнасць, удзень пераменная воблачнасць. Будзе пераважна без ападкаў. У начныя і ранішнія гадзіны ў асобных раёнах магчымы слабы туман. Вецер прагназуецца ўначы паўднёвы 2-7 м/с, удзень з пераходам на заходні, паўночна-заходні 4-9 м/с, на захадзе з парывамі да 14 м/с.

Тэмпература паветра ўначы складзе 7-13 градусаў вышэй за нуль, на захадзе - да плюс 15. Удзень будзе 21-27 градусаў цяпла.