Дзеючы чэмпіён «Формулы-1» паўтарыў рэкорд легендарнага Шумахера

• 7.04.2024, 17:17

Макс Ферстапен выйграў Гран-пры Японіі трэці раз запар.

Нідэрландскі гоншчык каманды «Рэд Бул» Макс Ферстапен стаў пераможцам чацвёртага этапу «Формулы-1» – Гран-пры Японіі.

Ферстапен выйграў Гран-пры Японіі трэці раз запар у сваёй кар'еры.

Дагэтуль тройчы запар пераможцам Гран-пры Японіі станавіўся толькі адзін гоншчык – легендарны Міхаэль Шумахер, які выйграваў у 2000-2002 гадах.

У цэлым Шумахер зʼяўляецца лідарам па колькасці перамог на Гран-пры Японіі, выйграўшы этап шэсць разоў. Другім ідзе Льюіс Хэмілтан – 5 перамог, тройку лідараў замыкае Себасцьян Фетэль – 4 перамогі.

Другім у сённяшняй гонцы стаў партнёр Ферстапэна па камандзе Серхіа Перэс. Трэцім фінішаваў Карлас Сайнс, які выступае за «Ферары».

Ферстапен лідзіруе ў агульным заліку, маючы ў сваім актыве 77 балаў.

Наступны этап «Формулы-1» адбудзецца 21 красавіка ў Кітаі.