Беспілотнікі атакавалі нафтабазу ў Калужскай вобласці РФ

• 28.04.2024, 10:46

Налёт пацвердзілі ў расейскім Мінабароны.

Губернатар Калужскай вобласці Уладзіслаў Шапша заявіў, што тры беспілотнікі «ўпалі» ў раёне нафтабазы ў горадзе Людзінаве.

Аб гэтым ён напісаў у нядзелю, 28 красавіка, у сваім Telegram.

З яго слоў, інцыдэнт адбыўся а 03.40. Шапша сцвярджае, што абышлося без разбурэнняў і пацярпелых.

У Мінабароны РФ таксама заявілі аб нібыта знішчэнні трох дронаў над Калужскай вобласцю.

Усяго расейскае абароннае ведамства дало справаздачу аб «17 абясшкоджаных БПЛА» над чатырма абласцямі РФ.