СБУ раскрыла эксклюзіўныя дэталі атакі на вайсковы аэрадром і два НПЗ у Краснадарскім краі РФ

• 27.04.2024, 11:36

Сталі вядомыя вынікі ўдараў.

Украінскія абаронцы гэтай ноччу атакавалі вайсковы аэрадром і два нафтаперапрацоўчыя заводы ў Краснадарскім краі Расеі.

Аб гэтым РБК-Украіна паведамілі крыніцы.

Як адзначылі крыніцы, у ноч на 27 красавіка «бавоўна» наведала вайсковы аэрадром «Кушчэўск» і Ільскі і Славянскі НПЗ. Аб'екты былі атакаваныя дронамі СБУ.

Атаку на аэрадром арганізавала СБУ супольна з Сіламі абароны. Там размяшчаліся дзясяткі вайсковых самалётаў, РЛС і сродкі РЭБ ворага.

Акрамя таго, дроны СБУ ўдарылі па рэктыфікацыйных і атмасферных калонах Ільскага і Славянскага НПЗ на Кубані. Гэта ключавыя тэхналагічныя аб'екты заводаў. Паводле звестак крыніц, пасля траплянняў на аэрадроме і НПЗ пачаліся пажары і эвакуацыя персаналу.

«СБУ працягвае эфектыўна адпрацоўваць па вайсковых і інфраструктурных аб'ектах у тыле ворага, зніжаючы патэнцыял Расеі для вядзення вайны. У краіны-тэрарысткі «бавоўна» палае і будзе палаць», - адзначыла інфармаваная крыніца.

Варта адзначыць, што Ільскі і Славянскі нафтаперапрацоўчыя заводы ўжо былі атакаваныя ўкраінскімі абаронцамі раней.