Беларусы Польшчы выйшлі на «Чарнобыльскі шлях»

• 27.04.2024, 11:04

Акцыі прайшлі ў некалькіх гарадах.

26 красавіка, у дзень памяці пра Чарнобыльскую катастрофу, беларусы Польшчы выйшлі на «Чарнобыльскі шлях».

Акцыі прайшлі ў некалькіх гарадах: Варшаве, Уроцлаве і Беластоку.

Падчас «Чарнобыльскага шляху» ў Варшаве не толькі ўшанавалі памяць ахвяр трагедыі, але і выступілі супраць расейскай ядзернай зброі ў Беларусі.

Таксама 26 красавіка больш за 50 чалавек узялі ўдзел у акцыі каля Генеральнага консульства Беларусі ў Беластоку.

Прысутныя трымалі ўкраінскія і бел-чырвона-белыя сцягі, плакаты «Чарнобыль. Беларусь памятае», «Lukashenka Nuclear maniak!», «Астравец – другі Чарнобыль».