Кіберпартызаны: Узламаны сайт КДБ

• 26.04.2024, 19:57

Хакеры-патрыёты прывялі доказы.

«Кіберпартызаны» заявілі пра ўзлом сайта КДБ. Больш за два месяцы сайт не працуе.

«Афіцыйны сайт КДБ РБ не працуе ўжо больш за 2 месяцы. А ўсё таму, што "Кіберпартызаны" прабраліся туды яшчэ восенню 2023 г. і выпампавалі ўсю даступную інфармацыю. На жаль, мы крыху "нашумелі", і сайт давялося прыкрыць», – пішуць «Кіберпартызаны» ў сваім тэлеграм-канале.

У доказ хакеры-патрыёты выклалі спіс адмінаў сайта, базу звестак і логі сэрвера.