Атака дронаў УСУ натхніла расейца на здачу ў палон

• 26.04.2024, 15:24

І гэта ўжо не першы такі выпадак на фронце.

Падчас аднаго з масавых дронавых нападаў УСУ па пазіцыях расейскіх акупантаў яшчэ адзін расеец прыняў правільную пастанову аб здачы ў палон. Відэа гэтага апублікавала прэс-служба 81-й асобнай аэрамабільнай брыгады. Менавіта яе падраздзяленне SowaFm папоўніла абменны фонд Украіны, піша zn.ua.

На відэа бачна, што абаронцы Украіны спачатку закідвалі расейца боепрыпасамі, а затым ужо атакавалі з дапамогай FPV. Там таксама чуваць, як ужо пасля гэтага акупант дзякуе УСУ за «дзіўныя птушкі» і «дзіўны палёт».

«Мы не маглі адмовіць гэтаму грамадзяніну краіны 404 у выказванні захаплення нашай працай», - пракаментавалі падзяку расейца абаронцы.