Telegraph: Трэба ўсяго дзесяць ракет ATACMS, каб «ахапіць» усю лінію фронту

• 26.04.2024, 18:38

Зброя ў руках УСУ створыць няўяўную нагрузку на расейскую СПА.

Амерыканскія ракеты ATACMS не з'яўляюцца панацэяй, але яны створаць нагрузку на расейскую СПА, піша Telegraph.

У артыкуле гаворыцца, што ў адрозненне ад звычайнай крылатай ракеты, ATACMS можа разганяцца да хуткасці, якая ўтрая перавышае хуткасць гуку, што робіць іх больш складанымі для перахопу сістэмамі СПА. Іх хуткасць - галоўная сіла ракеты.

Пасля яе запуску расейская сетка радараў і сістэм выяўлення ракет спрацуе практычна імгненна.

«Пасля запуску ракеты патрабуецца час, каб дакладна вызначыць яе траекторыю і месца падзення. У прынцыпе, усё, што вы можаце зрабіць, гэта папярэдзіць усіх, каб яны прыгнуліся», – сказаў кіраўнік кампаніі стратэгічнай выведкі Sibylline Джасцін Крамп.

Гэта створыць значную нагрузку на расейскія падраздзяленні СПА.

У артыкуле сказана, што Сілам Украіны спатрэбіцца ўсяго 10 ракет ATACMS, каб ахапіць усю лінію фронту і амаль 250 кіламетраў за ёй.