Дакаціўся

• ТЭЛЕГРАМ-КАНАЛ «СЕРПОМПО»
• 26.04.2024, 9:35

Аб раскошным жыцці намесніка Шайгу не ведаў толькі лянівы.

Калі «здраднікі» становяцца трэндавым маркерам для абазначэння вінаватых у апазіцыі, што ўжо казаць пра Пуціна.

У РФ актыўна абмяркоўваюць інфармацыйныя ўкіды, што адкаты ад «Алімпсіцібуда» - толькі нагода для арышту намесніка міністра абароны Цімура Іванова.

Карупцыя ў клептакратычнай сістэме на такім узроўні - норма, а не нешта заганнае. І недарэчна ладзіць спецаперацыю па затрыманні проста ў кабінеце «партманэта Шайгу» праз смешны хабар на мільён сіламі супрацоўнікаў дэпартамента вайсковай контрвыведкі ФСБ. СК ж пачаў распрацоўку яшчэ ў 2017-18 гадах? Можна было і яшчэ пачакаць - засунуць ціха, без «дыскрэдытацыі» напярэдадні інаўгурацыі.

Выснова «інсайдэраў» такая. Пра тое, што найбагацейшы «сілавік» - «распіла-адкатчык», аматар элітных асабнякоў, яхт, аўто, «цацак», раскошнага жыцця за мяжой з «элітнымі жонкамі», не ведаў толькі лянівы. Трубілі ўсё - ад ФБК і «Дасье» да Прыгожына.

А ўзялі, маўляў, за здраду! Дакаціўся, дакаціўся, завербавалі заходнія выведкі.

Паводле Высоцкага:

«Меры в женщинах и в пиве он не знал и не хотел»

Тэлеграм-канал «СерпомПо»