Кіраўнік МЗС Польшчы: Пуцін можа скончыць вайну ва Украіне праз пяць хвілін

• 26.04.2024, 8:51

Дастаткова аднаго тэлефоннага званка.

Каб скончыць вайну ва Украіне, расейскаму дыктатару Уладзіміру Пуціну дастаткова толькі патэлефанаваць міністру абароны РФ Сяргею Шайгу з загадам вывесці войскі.

Як паведамляе RMF FM, пра гэта падчас выступу ў польскім Сейме заявіў міністр замежных спраў Польшчы Радаслаў Сікорскі.

Ён падкрэсліў, што сцэнар заканчэння вайны, які падтрымлівае Польшча, - аднаўленне міжнародна прызнаных межаў Украіны.

«Аднаўленне міжнародна прызнаных межаў Украіны ў адпаведнасці з так званай мірнай формулай прэзідэнта Уладзіміра Зяленскага», - падкрэсліў Сікорскі.

І дадаў, што расейскаму дыктатару Пуціну дастаткова патэлефанаваць Шайгу і загадаць вывесці ўсе войскі з Украіны, каб скончыць вайну.

«На жаль, Украіна не можа скончыць вайну адным тэлефонным званком, гэта вялікая розніца», - сказаў Сікорскі.