Bloomberg: Байдэн перамагае толькі ў адным з сямі штатаў, якія вызначаць вынікі выбараў

• 25.04.2024, 10:15

У астатніх шасці палітык адстае ад Трампа.

Прэзідэнт ЗША Джо Байдэн лідуе толькі ў адным з сямі штатаў, якія і вызначаць вынікі прэзідэнцкіх выбараў, запланаваных на лістапад, сведчаць вынікі апытання Bloomberg News/Morning Consult.

У Мічыгане Байдэн апярэджвае свайго магчымага апанента Дональда Трампа на 2 адсоткавыя пункты. У той жа час ён крыху адстае ў Пенсільваніі і Вісконсіне, а ў Джорджыі, Арызоне, Невадзе і Паўночнай Караліне яго адставанне большае.

У апытанні сказана, што глыбокі песімізм у дачыненні да траекторыі развіцця эканомікі ЗША шкодзіць рэпутацыі Байдэна сярод выбарцаў.

Большасць выбарцаў, якія ўдзельнічаюць у апытанні, бачаць пагаршэнне эканамічных умоў у найбліжэйшыя месяцы. Толькі менш за аднаго з пяці апытаных заявілі, што чакаюць зніжэння інфляцыі і кошту запазычанняў да канца года. Нягледзячы на ўстойлівы рынак працы, толькі 23 адсоткі рэспандэнтаў заявілі, што ўзровень занятасці палепшыцца за той жа перыяд часу.