Зяленскі аб пакеце дапамогі ад ЗША: Ад ATACMS і HIMARS да СПА

• 24.04.2024, 19:48

Прэзідэнт Украіны падзякаваў Байдэну і іншым амерыканцам за падтрымку Украіны.

Новы пакет вайсковай дапамогі ад ЗША будзе змяшчаць ракеты ATACMS і неабходныя сістэмы СПА.

Пра гэта паведамляе Charter97.org са спасылкай на вячэрні зварот прэзідэнта Украіны Уладзіміра Зяленскага.

«На днях ужо максімальна актыўна працавалі з нашымі амерыканскімі сябрамі - на ўсіх узроўнях, - каб аператыўна напоўніць гэты пакет ад Злучаных Штатаў менавіта такой зброяй, якая трэба нашым ваярам. Ад ATACMS і артылерыі, ад супрацьтанкавай зброі і ракет для HIMARS да неабходнай СПА і тэхнікі», - распавёў прэзідэнт Украіны.

Зяленскі падзякаваў прэзідэнту ЗША Джо Байдэну, а таксама іншым амерыканцам за падтрымку Украіны.

«Цяпер будзем рабіць усё, каб кампенсаваць паўгода ў сумневах, якія прайшлі ў дэбатах. Тое, што расейскі акупант змог за гэты час, тое, што Пуцін цяпер плануе, мы павінны развярнуць супраць яго», - сказаў ён.