Расейцы вярбуюць беларускую моладзь для працы з дронамі

• 24.04.2024, 12:21

Дзеля гэтага ў Менску арганізавалі цэлы форум.

У Менску ў Беларускім дзяржаўным тэхнічным універсітэце пачаўся Міжнародны моладзевы форум па БПЛА 2024. Гэта мерапрыемства накіраванае "максімальна далучыць маладых беларусаў да распрацоўкі і вытворчасці БПЛА".

Рэжым на мерапрыемстве прадстаўлены чыноўнікамі высокага ўзроўню, уключаючы Качанаву і Пархомчыка, прадстаўнікамі ўсіх распрацоўшчыкаў і вытворцаў вайсковых БПЛА.

Расейскі бок узначальвае дзяржсакратар «саюзнай дзяржавы» Мезенцаў, і амбасадар РФ Грызлоў. Таксама прыехала прадстаўнічая дэлегацыя ад Казанскага тэхнічнага даследчага ўніверсітэта, які з'яўляецца лідарам распрацоўкі баявых БПЛА ў РФ:

Мэта пуціністаў зразумелая, піша чытач сайта Charter97.org:

— Яны хочуць уцягнуць у злачынную вытворчасць баявых БПЛА як мага больш юных беларусаў, арганізаваць выцягванне з «братэрскай» краіны светлых галоў і ўмелых рук.

Беларуская моладзь і іх бацькі павінны памятаць, што ўдзел у крывавым бізнэсе прывядзе да міжнародных санкцый і юрыдычнай адказнасці. Не кажучы пра маральны бок гэтага пытання.